مواصفات فيات 127
محدش مننا مشافش او مركبش سيارة فيات 127 لانها عربية موجودة لحد دلوقتي في السوق المصري للسيارات المستعملة و عندها قدرة كبيرة جدا علي الاستحمال بالرغم من شكلها البسيط و تصميمها الي كان مناسب جدا اول ما نزلت و كانت من العربيات العملية و الشبابية وقت ما نزلت و لحد دلوقتي , بدون اطالة تعالو نشوف ايه هيا العربية دي و تاريخها
تاريخ السيارة فيات 127 :
العربية دي اول ظهور ليها كان في مارس 1971 و اتوقف انتاجها سنة 1983 و لكن انتاجها فضل مكمل في الارجنتين لحد سنة 1997
تصميم السيارة:
قام بتصميم السيارة الفنان التشكيلي (بيو مانزو) , كما صممت خلفية السيارة بشكل مائل بحيث تسع مكان معزول لوضع الامتعة
كمان في الاول خالص كانت العربية باب امامي فقط و لكن بعد كدا التصميم اتعدل و بقي ليها باب خلفي
المحرك ( الماتور ) :
ماتور : 0.9 لتر بقدرة 45 حصان
ماتور : 1.05 لتر بقدرة 50 حصان
ماتور : 1.05 لتر بقدرة 70 حصان
ماتور : 1.3 لتر بقدرة 75 حصان
ابعاد السيارة :
الطول 3.595
العرض 1.525
الارتفاع 1.360
قاعدة عجلات 2.225
سعة خزان الوقود 30
دلوقتي هنستعرض بعض صور العربية كل موديل حسب السنة
1- ده الشكل الاول للعربية و بدأ من 1971 و استمر حتي 1977
كان متوفر بماتور 900cc
2-الشكل التاني تم اطلاقه سنة 1977 و حتي 1981 و كان بيطلق عليه فيس ليفت
نزل ب 3 مواتير
ماتور 900cc ماتور 1050cc ماتور 1300cc ديزل و مكنش متوفر بمصر او مش منتشر
3-الشكل التالت تم اطلاقه من 1982 الي 1983
نزل ب 3 مواتير
ماتور 900cc كان متوفر4 سرعات
ماتور 1050cc كان متوفر 4 سرعات يطلق عليها (فيورا)
ماتور 1300cc كان متوفر 5 سرعات يطلق عليها (سوبر فيورا)
الفرق بين العربية الفيات 127 و النصر 127
بالنسبة للصاج للعربية الفيات كان اقوي شوية من النصر و الشكل و الخامات كان برضه مختلف في الفيات عن النصر
العربية الفيات كانت بتنزل بتسجيل او راديو اما النصر بدون اي حاجه
وبدأ انتاج فيات 127 نصر في مصر من سنة 1982 و حتي سنة 1987
بكدا اكون خلصت في ايجاز شرح العربية اتمني تكونوا استفدتوا
تعليقات
إرسال تعليق