هيونداي اكسيل
اول ظهور للعربية في مصر كان في سنة 1992 تقريبا و استمر انتاجها لحد 1999 , هيونداي اكسيل واحدة من العربيات المستعملة
الي معظم الي ركبها شكر فيها و ده بيرجع لعدة اسباب منها سهولة الصيانة و صالونها الكويس و كمان تكييف جيد و قطع الغيار المتوفرة بأسعار كويسة , العربية كمان سواقتها سهلة و تقدر تحدد زواياها بكل سهولة و ناعمة علي الطريق , نيجي بقي للمواصفات
ابعاد هيونداي اكسيل :
الطول 4.282 مم
العرض 1.608 مم
الارتفاع حوالي 1.384
ماتور هيونداي اكسيل :
الهيونداي اكسيل موجود منها نوعين من المواتير
1300cc :
وده موجود في اغلب العربيات السيدان او الهاتش باك الي مفيهاش اوبشن
1500cc :
و ده الماتور الموجود في اغلبية العربيات الفل اوبشن , ماتور الاكسيل ماتور ناعم اوي و لكن صوته عالي شويه و كمان معظم الملاك اجمعوا ان الماتور لما بيحصلوا حاجه صوته بيبقي خشن و لكن قطع غياره متوفره و بأسعار كويسه
بالنسبة لعفشة الاكسيل فهي من ابسط ما يكون و غير مكلفة و اقتصادية
الهيونداي اكسيل زي ما انتوا شايفين بسيطة جدا و فيها اوبشن كويس بالنسبة لعربيه في الفئة السعرية بتاعتها و كمان قطع غيار موجودة و بأسعار جيدة بالنسبة لعيوب العربية مثلا عدم الثبات او العزل و لكن في عربيات اغلي منها و فيها نفس المشاكل فالعربية دي بالنسبة ليك لو مبتدئ او بتتعلم السواقه فا هيا اختيار كويس و بسيط و في متناول الايد بالنسبة لسعر العربية او قطع الغيار
تعليقات
إرسال تعليق